¥ارقى مختارات الأبوذية¥

¥ارقى مختارات الأبوذية¥
1
أكتبلي شماردت تكتب وردلك...
أزعل وأبتعد وأمشي وأردلك...
بساتين بوسط كلبي ورد لك...
شما تبعد تظل غالي عليه..
2
ألف وسفه الدهر عنك بعدني
أموت وأرتجي لوصلك بعدني
تراني على الوعد باقي بعدني
وتراك أنت الهوى والروح ليه
3
الك بايع دليلي وانت حربي
اموت اني بجمالك وانتحربي
افجركلمن يحبك وانتحربي
لئن مخصوص حبك بس اليه
4
بعذر غيري النوايب فاتحتمن
وسهم غدرك بلكلب فاتحتمن
اكتلتني وجاي تنشد فاتحتمن
ولاجنك رحت جناز بية
5
حبك سرى بكل اعضاي دوره
عزيز والك بالشريان دوره
اذا شكيت هاك الكلب دوره
اذا غيرك لكيت ازعل عليه؟
6
ردتك ماردت دنيا ولامال
ولغيرك مايحن قلبي ولامال _
وبحبك لاتظن أجزع ولا مل ت
عال وشوف شنهو الصار بيه
7
لجلك دم دمع عيني تراسال*
وخبرك ياترف عودي تراسال*
لون مكتوب من عندك تراسال*
اطيب ولايظل كل الم بيه*
8
ترف يلبل محاسن تاج لابس
من ابوسن وجنتك لتكول لابس
بشرعنة البوس للوجنات لابس
لجن كطف الورد منها خطية
9
هاذا الحلو ملوعنا وسلنا
زغير خمسطعش عمرة وسنة
لهله شكد جبت شيعة وسنة
يكول الة المسيح يمر علية


10

يا مستوي لمنكم شفت ياني
جفيت وكل عذاب الدهر ياني
شمالك يا ابي النفس ياني
رخصت من تالي ودري الصوج بية
11
يدهري شبيك مرة منصفات
صافي وجذب تلكة من صفاتي
الوفة ولخير والحب منصفاتي
وصفاتي الكرم كلهن ذني بية
12
غرامك صار إلي معبد وقبلة "
وأرضه بكل نقد منك وأقبلة "
وأبوس الحجر وأشتمه وأقبله "
لأن قاسي مثل قلبك عليه
13
هجرك ياولف صاير.بلاحد
مثل سيف اليكص ركبه.بلاحد
رحت وآنه انتظر ترجع.بلأحد
اجه الأحد ويمته اتعود اليه
14
وشتم أكطع من خدودك ورد وشتم
ولا ادري أشبقه بلعمر وشتم
أمرخص سبني كل ما ردت وشتم
شتايمكم ثواب ألوالديه
15
ألج بس انتي كلبي ورجيتة
ودمع العين يمج ورجيتة
ابتعد كلمن نخيتة ورجيتة
ولا واحد اجياني وحن علية
16
عزيز انته وألك بالروح منصب.
ودمع العين من فركاك منصب.
عسى موتي قريب وقبري من صب.
ولا اسمع خبرعنك اذيه.
17
اتنخة تريد اجيك اليوم بالحــال
وأنت اعرف حبيب الروح بالحـال
شمحله وياك ما تقتنع بالحــــال
ادليك الدرب وترد علية.
18
اليالي حيل وي الكلب يارت
وريد وياك اكضي العمر يارت
لون بالطيف اشوفك حلم ياريت
من اشوفك ينكشف هم العلية
19
دوم انشد عليك الراح ولرد
الوفه منك نبع ولطيب ورد
ردت منك جواب لهاي ورد
اعز الناس ما يسأل علية
20


سلالتكم نسب يوسف نسبها

ودنيا بغير شوفتكم نسبها
جمال الناس بالمية%نسبها
بس انت جمالك سبع مية
21
شكثر عيني عليك دموع بديت
ولا واحد عليك بيوم بديت
انت لبالهجر وياي بديت
ورغم هاذا اكول الصوج بية
22
شوصفلك ابد ما تندل وسفنة
لأن يرادلها كعدة وصفنة
تمنيتك انت بمدرستنة وصفنة
اذا تاخذ صفر اطيك مية
23
عليك أعتب يبو ألطيبات ورجه
أوصديج ألعمر علشينات ورجه
أزامط بيك يوم ألضيج ورجه
تمد روحك وتكول أعبر عليه
24
لحد الموت احبنك وريدك
وعسا دمي دخل يسمر وريدك
حياتي وموتي مدلل وريدك
ارد احيا وترد الموت الية
25
مره الدمع ناشف مره سايل
ومره أنشد عليه ومره سايل
ومره أحتار شكتب من رسايل
ومره أتعنه لدروب المنيه.
26
والحر أريد أخبط مزيد الرمل والحر
ودور عل صديق الوفي والحر
نخيت الله وأبو السجاد والحر
يعادي كلمن يعادي أخيه
27
يضالم لا تهيج الروح خلها
عساها تموت بعد فراك خلها
لزم ايدي الطبيب وصحت خلها
المرض بالكلب جا شلك بدية
28
يل معدنك كلة ذهب والوجة ماسة
كون انا اصبح بيك كليوم وماسة
لون خدي لمس خدك وماسة
اصير اسعد بشر بالقادسية
29
حبيبي لا تظن الدهر سرنا
هجرنا ديارنا و للغربة سرنا
و حكك ما ظهر للناس سرنا
لكن دمع العين فضحني و عم علية
30
ايتهجه حروف علمته و قره بيه
ونكرني و ما رضى بوصلي و قربي
ادور يا ذنب عندي و اقر بيه
لكيت الطيب اكبر ذنب بية
31
و حك الترك بين الناس ثقلين
و عيوني من السهر بجفاك ثقلن
احبك من صدك يفلان ثق لان
احس انك شراكه وياي بية
32
عذاب الشوك شبك ساعديني
ساعة انخي الائمة و ساعة ديني
على نص النوايب ساعديني
كلف ضيم العشك كله علية
33
بغرامك لا صرت حايل و جاني
وسيفك بالغدر طرني وجاني
صرت انت عليّ حاكم و جاني
ظلمتني وشمتت الناس بية
34
كلبي اشما يمر عالدار يسلام
و من سهام العشك ما يوم يسلم
صدك عيب و حرام العشك يسلام
35


الدهر ما يوم حن كلبه و لانه

تفاركنه و الف واشي ولانه
لا انت عرفت الحب و لا انه
ظلمنه الشوك و العشرة سوية
36
يواشي الكلب من الولف لاذك
اكله الدرب هذا يكلي لا ذاك
تحاسبني يولفي بذنب لا ذاك
الاصابع ولك مو كلهن سوية
37
حكمني العشك بالحسرة و عافاك
و حكه الكلب لو ملّك و عافاك
دريت الحسن غر كلبك و عافاك
لجن طول العمر تندم علية
38
يطارش هاك مكتوبي و سر بيه
حنين الكلب بسطوره و سر بيه
اخبره شوكت نتلاكه و اسر بيه
و على كل بيت اطشن واهلية
39
الجنت ليهم بيوم الضيج وناس
صفوا بين اليسد الاذن و الناسِ
زرعت الوفى لكل الناس و الناس
زرعتلي المصايب و الاذية
40
اللي يطب بيتنا يصير منه
و نكرمه و ما ندور عليه منه
سالته و جاوبني بغيره منه
كتله احبك كال البيك بية
41
كلبي انت ملكته و انت حر بيه
عليل و طبه عندك و انت احر بيه
كاس السم اشربه و انتحر بيه
و لا غيرك يمس جفوف ايدية
42
اني مهدم لجن وصلك بناني
ندم عالراح عضيته بناني
يشوفوني قوي و صاحي بناني
لكن بداخلي علة خفية
43
روة الزيتون من دمعي و لا راك
لغيرك ما نحل جسمي و لا رك
اخاف تطول مدتنه و لا راك
كبل وصلك تبادرني المنية
44
اقدم الروح لحبابي و اسلم
و اصافح راحتي بجفهم و اسلم
يا رب العرش صلي و سلم
على المصطفى و اله بكل مسية
45
تصد و تروح يبن ادم شمالك
عجب تصفّك يمينك وي شمالك
جنوبك هذا دوره و شمالك
ابد ما تلاكي مثل الطيب بية
46
اكضي الليل كله قهر وي نوح
و اسمعك كلبي دوم يون وينوح
نخيت الهادي سيد الخلق وي نوح
يعابي كل خوي يخون خوية
47
يباري المرض هد حيلي و هدني
و لا يوم ابتعد عني و هدني
ارشدني لرحمتك يا ربي و هدني
طريح فراش و العلة خفية
48
احس روحي تردلي و انت يمي
سفينة انه و سافر و انت يمي
حبيبة انت و عزيزة و انت يمي
بفراكج تشب النار بية
49
اصد و ازعل و ادير العين طبعا
لجن لجمات الك بالكلب طبعن
حلو بكلشي لجن بيك طبعان
تشك و تغار بيهه علية
50
حبي الك ما فد يوم ينكص
و ليش الصاحب من يغيب ينكص
زمن خله الحديد بخشب ينكص
و يخلي الماله اول بالثنية
51
انت الشمس و انت البدر من هل
و شفافك طعم العسل منهل
كلبي بس الك يا ترف ما نهل
الورد من تمر ياخذلك تحية
52
انه بجفي وتد بالكاع دكيت
و لا دكت نذل بالناس دكيت
بعدني ما طحت و انت بطبل دكيت
شد وصلة بعد و اركص علية
53
اموتن يا عراق الحب و عيش بك
كوخ بتربتك كافي و عش بك
و هواك و ارضك و مايك و عشبك
مثلهن ما يصح فوك الوطية
54
اريد اكعد يم هواي و اسكن
و اصفي النفس و الروح و اسكن
من هجرتك صفيت عظام و skin
يطيرني الهوى اذا مر علية
55
عيوني عليك من البواجي يرحن
سجاجين ابصميم احشاي يرحن
اشكد طيبات للنذلين يرحن
غدير ابصبخ ما ينشرب مية
57
ترف وياي ليش اخلفت وعداك
بصدودك شمتيت عداي وعداك
اضنك عاشرت مجروب وعداك
مثل هذا السره بين البريه
58
حلو طبعك حبيبي من تعادي
احكمت قلبي قساوة وانتة _عادي
تمنيتك حبيبي من تعادي
تعادي الناس اليوزونك علية.
59
أحلف بربي علي العشق مندم
ولو حتي البواجي تصير من دم
كلبي مو صخر يا ناس من دم
ويحبه شكثر ما يقسي عليه
60
أتيه بشوفتك لاتنشد وينهلك
نضيع احنا ابحر عينك ونهلك
حبيبي الروح مرعى لك ونهلك
واريدك دوم قرة عين ليه
61
شكثر يحباب كلبي ضامي ألكم
متى تلفون واشكي ضامي الكم
شكد عندي سوالف ضام الكم
اكته وي الدمع لو جيتو ليه
62
يعلمني الزمان دروس وانسة
وعلى حالي بچت رضعان وانسة
انة الچنت للطيبين ونسة
صرت مكروه دنيا وآخرية
63
ايامي شلون اخلصهن واعدهن
البنات اليوم ما يوفن وعدهن
عدنة الوفة يا صاحب وعدهن
هجر للمحب غدران واذية
64
نار الكلب تلهب منه كبرة
واذا من نفسي ما ابرة منك ابرة؟
هاك الخيط مني ومنك ابرة
نخيط جروحنة ونلتم سوية
65
مني يروح كل حيلي منيروح
وبيه جروح تبقه تنز منيروح
ياهو الموحلو كلك منيروح
سبع فدوات الك هوه وبيه
66
هموم هواك ما خلــــــــن .. علي حال
فريضة وحبك مـــــــن الله .. علي حال
يالتنشد على حالـــــــــــــــــــي .. علي حال
شيفيد النشد عالصار بيـــــــــــــــــــــه
67
يروحي بطلي المعاشر وعودي
سباني ونحل عضامي وعودي
انه الما خنت مره وعودي
عجب ليش الحبيب ايخون بيه
68
طب الما شفة جرحي ... ومرهم
عفة كلبي الحمل مري .. ومرهم
انة حالف ما اصل ليهم .. ومرهم
تعاندني روحي وتزل علية
69
الطبع بيه الخيانه هم اخونه ؟
مهي حسره بدليلي هم اخ ونه
صديقي وهم حبيبي وهم اخونه
لگيته بزادي حط سموم حيـه
70
العمر شيفيد لوما شفتك انه
متت من العطش لوما ... شفتك انه
اذا ما شفتك انه .... شفتك انه
ابكل الناس من تكبل عليه
71
على خدي نزل دمعي ونشفه
دحط ايدك على كلبي وانا اشفه
اذا منك تجي شفه وانا شفه
نموت اثنينه بالحب سويه
72
ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟
73
تظل صاحب فضل وشكبر فضلاك
وخلكي ما فضه الغيرك وفضلاك
اميزك عل خلگ كله وفضلاك
وبسمك احترز صبح ومسيه


74

عليك الليل كله انه ونه
ومعاك العتب هسه ان اوانه
اتهدد بالنفاها انه .. وانه
وينك مو طبك دهر العليه
75
حفرت الجدم جيفن يوم طبله
ولا مرة الهوى والوكت طبلة
الزمن خلاني بيد اعداي طبلة
اصرخ والجفوف تدك عليه
76
غرامك اثر بالعشك وداره..
هجرت الي تعب وياك وداره..
سمعت بقيس عاف اهله وداره..؟
حملت الضيم وهمومك سويه...
77
منو مثلي تعب لجلك وداراك ؟
جهنم لجلك اتحمل و(داراك)
عسا من غيرك يسمر وداراك
ابسكم لا للحيا ولا للمنيه *
78
سهامك وصلن لجبهتي ولاحن
وكلبك مابجه لحالي ولا حن
بليالي العيد لا افرح ولا حن
لجلك ياكطعت الوصل بيه
79
ياسباح كلبي من حشاكم
اوعليه من العواذل من حشاكم
اسب ورجع وكولن من حشاكم
اعزاز ومن اسب ترجع عليه
80
زماني شما لعب بيه...ولهتم
والراده علي يسري...ولهتم
بروحي شماتغيرتوا...ولهتم
لان حبكم دوه لكل مرض بيه
81
زماني ما نصف وياي بچيــــله
ولج ياعين بسچ عاد بچي اله
حبيبي شلون صوبني بچيله
زرف قلبي ووكف شامت علية...
82
ولهاك
يكلبي غّرك الشيطان ولهاك
وخلّاك برحى الحسبات ولهاك
مشه عنك زمان الاخذ والهاك
اجه وكت اشبقه عندك اليه
83
سهمك صابني للحين بعداه
ذليل وگمت اصيح اه بعد اااه
غيرك ما يسوي هيج بعدااه
ولا يعمل عملتك هاي بيـــة...
84
ذبت وبنار هجرك مايع اني
وبقه كلبي يعاني ما يعاني
اذا تعطش اشربك ماي عيني
وجيب الروح لعيونك هديه
85
حبيبي دوم انا ازورك وجيلك
اللك فدوه شلع جيلي .. وجيلك
ابميزان الذهب قستك وجيِلك
طلع وزنك ذهب ... وراح من اديه
86
اثر طبع اليالي ون تخلي
ونخيت اسنين عمري ونتخلي
علية فزعت الغربة ونتة خلي
عفتني ابساعت الهدو علية
87
الوكت يوم غيم ويوم ينصح
كباحه وعيب للمجفين ينصح
ابد والله صديج اليوم ينصح
صديجي وحافر بير ليه
88
قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية
89
هاك الكلب بيدك حيل طحنة
امس فوك النجوم واليوم طحنة
شبدينة وبالعشك ياناس طحنة
غشمة وكلوبنة تحب الاذية
90
نوبه حلوات الليالي نوبه...مرات
وحبيبة الروح علي ما...مرات
مو مره الخنتي يحبيبه...مرات
تخونين وتصح بيه الاذيه
91
ولو مايسوى كلمة من اكتبة
ولكن سالفة ونكتة نكتبة
شنو حكم الغدر صاحب نكت بيه
عليه التف غفل لفة الحية
92
العقل بأمر الصديق ارجوك حكمة
وبدال النكتة خلي ايكون حكمة
اليغدر صاحبة مو مهم حكمة
المهم شلون نتلافة القضية
93
يطارش هاك مكتوبي وسربيه
حنين الكلب بسطوره وسربيه
اخبره اشوكت نتلاكه وسربيه
وعلى كل بيت اطشن واهليه
94
كتلني مراوغ ربعي ولفهم
وصرت لااعرف شيجري ولفهم
الف ونة بوسط الكلب ولف هم
والف حسبة بثواني اتمر علية
95
الگلب ذايب وما تنحمل ونتي
وبعد ما بيه حيل الصبر ونتي
اني اللي وفيت وياج وانتي
خنتيني وشماته اعرفت بيه
96
بير انه انكلبلك لو تسرني
والك اهدي حياتي لو تسرني
لوتهدني ارجوك يسمر لو تسرني (تأسرني)
خل افتهم مو ضاعت عليه
97
كبس احنه المصايب صاحبنه
لئن كلساع نفقد صاحبنه
ابنه الطاح محد صاح ابنه
خاف نصيح ويكتلون اخيه
98
انه قلبي من لهيب الشوق منطر
وتضل عيني على البيبان منطر
شفت خدك عبالي الفجر منطر
كمت صليت من غصبن علية
99
كلبي من الصغر حبك ولاذاك
وبعراف الوكت ضمك ولاذاك
لاهمة حجي الواشي ولاذاك
يهمك من تريد تلوذ بية
100
امس وانه برغد نومي ..طفت بيك
مثل ما طوفن بروحي ..طفت بيك
ابشرك لنار البكلبي ..طفت بيك
وشعل شمع لو جابوك ايه
101
اوصي الراح والرد مرّساله
عجب شبساع ينسه مرّساله
مشه او وده رساله مرساله
جهنم بالظرف وداهه اليه
102
زماني اغضب عليه ودار وجهه
ونيرانه بسويد احشاي وجهه
اخيـّك لو زلف عالعدل وجهه
مو بالعكس تحفرله بهبيه
103
كلي منهم
لتغرك ضحكتي كلي منهم
اخوتي والجرالي كل منهم
صحت واشفافي وسفة كلم منهم
ردتهم عون شو هدو علية
104
الى اخي الحبيب سيد الاحزان
بعدك
عليهم ياكلب مهموم بعدك
تريد الكرب ويردون بعدك
ياكلبي اعمل خير وبعدك
منهم ماتصح بس الاذية
105
اريد ابجي والم الناس حولي
واريد اشكي ضعف قوتي وحولي
يدنيه احزان بسج كافي حولي
خل مره يمر الفرح بيه
106
هم حبك تره ما خله علي حال
فريضه وحبك من الله علي حال
يهل تنشد على حالي علي حال
شيفيد النشد عالصار بيه
107
امس جنت احسن من اليوم حالآ
بسبب اجروح الي بهل الكلب حال
حبيبي واني اريده يجي حالآ
واشوفه كبل ماشوف المنيه
108
صرت كهوه لحبيبي بوسط فنجان
فن انس الي يوصله فن جان
اذا العاقل نضرلك نضره فنجن
وانه المجنون وتكلي انظر اليه
109
علي انته شبه النخل ضليت
وانه بفركاك عظم وجلد ضليت
حرت يا ناس هلي بيا صوب ضليت
اذا اهلي الصدك بعدو عليه
110
شبه شجرة تخل طولك وعدلك
ولو گطعوني ما اعوفك وعد لك
انا للعشرة راح أغمض واعدلك
متاني شفافك يمرن علي
111
علي هموم وزنة والف وزنه
وكلام التسمعة بتفكيير وزنه
الف واشي عليكم تره وزنه
والف يمك يوزونك علي
112
راحت ايامك ليش گلبك مارعاني
ويهمك فد دليلي ومارعاني
مرة احبس بدمعي مرو اعاني
ومرة تطيح عيني ابين اديه
113
عيني بعد عينك والله املها
وسفينة روحي ابشطك املها
وتظل غرگانه ابحبك املها
اقبل بالجرف بس حن عليه
114
احبابي عن طريقي الزين ظلوا
وعلى غيري وليف ابغصني ظلوا
وحفرت انه بير حبهم وظلوا
بديهم دفنوا الحفره عليه
115
همومي الروح صارت قابله الهه
ودنيتي اشما تسوي قابل الهه
اشتضن راسي اطخه قابل الهه
ونه الدنيه واهلهه امدنجه اليه
116
وعدهن
بالك بالنسه يســـمر وعدهن
جذاب ما يـوفــــــن وعدهن
حبيبي من احسب عيوبج وعدهن
العدد فوك النخل بالناصريــــــه
117
اهداء الى حبيبة قلبي
حبيبي الجمال كله مالك انت_
وجمالك لعـد غيرك مالك انت
التفزز من خيالـك مالك انت
شفتني أهواك تدلــل عليـــــه
118
شون عليك يالمحبوب شبجي
وصايب هالوكت صارن علي شبجي
الناس تصيد وانة من اذب شبجي
يرد مطين وفارغ علية
119
انة الحزت الصبر والصبر حزني
والف وسفة اعلة سيف الظلم حزني
البحر البيض لون يلفيه حزني
يصير اسود بلون اليل مية


120

مدلل ما تهيد انته واناهد
وتكضني حيل متهدني واناهد
عليه تهد واكومنلك واناهد
واصير وياك حتى تهد عليه
121
مهلة انطيني واصبرلي لعلماك
وخاف تكول ما يدري لعلماك
انه السارية الواكف لعلماك
من اطيح تطيح خركة اعله الوطية
123
انة الي لهب حبكم وجاني
وسامح انة كل مخطي وجاني
اعلة راسي اعتني الكم وجاني
يل حبكم غصن مشتول بية
124
صحيح الدهر وكت الضيج وطني
ودار العز تضل للدوم وطني
موش انه اليمد الايد وطني
يخسه وكتي نفس عندي ابيه
125
حرت ها كلبي ها ينبض وهاميت
فلانه الصوبت كلبي وهاميت
شالت ربع من جبدي وهاميت
تريد اتيه ايامي عليه
126
أعمى وبــالكلب ملــيون شطرة
بجمالك شرد اكول اليوم شطـرة
شعمل حسنك على الدلال شطـــرة
سباني وفزع كليبي عليه
127
ولفي لا سال مرة علية ولاحن
وسهام حبة وصلن لكلبي ولاحن
عجب شلون انسى عشرتنة ولاحن
من اذكرة ترد الروح الية
128
انه كل يوم اتعنالك وصل بيك
وعنادك وين ياابن آدم وصل بيك
احبك وشايل بجيبي وصل بيك
وباجر بيك ينطوني هويه
129
اظل اكتب شعر للزين وانشد
واسال على الصاحب دوم وانشد
واصير حزام وكت الضيج وانشد
لكل عزيز وغالي عليه
130
الباء البيهه بسمل..بس ملاني
قسملي مايملني..بس ملاني
مثل ورقه ترسني..بس ملاني
كتب اسمه ورجع شخبط عليه
131
تعلمنة ونشدنة من علمنة
وصفينة حجار واكف من علمنة
نشيل الله واكبر من علمنة
ونحط الله كريم وهايهية
132
حفرت الجدم جيفن يوم طبله
ولا مرة الهوى والوكت طبلة
الزمن خلاني بيد اعداي طبلة
اصرخ والجفوف تدك عليه
133
صلاتي وقبلتي انته واذاني
وبعدك قلق سببلي واذاني
اليزعلك اطكلب الدنيه واذاني
وعلي اكلب الدنية علية
134
ايدي لليوم تنزف من رصيدك
لان مرة انته صايد مرة اصيدك
عليه اصرف دقيقة من رصيدك
وانه اعوضك اذا تصرف عليه
135
بچيت من دموع العين مالآت ( مليت)
عسى دنياي وياي عكس مالآت (مالت)
لچن جيبك ثگيل وبيه مالآت (مال-فلوس)
تحصلة على التريدة بغير اذيه
136
صفه الچاتل اخوتي ابغـدر خــوان
ولشاهـد وطنه البيـه خـــــــــوان
السني وي شيعي ابجرح خـوّان
يفت اكَليبي ونهم كل مسيه
137
احبابي واعز من روحي صحتهم
انحلو مايوم دنياهم صحتهم
انتخو وانا بعسر يؤمن صحتهم
احضروا وانا المنايا تحيط بيه
138
سهم صاب الگلب من يوم شفته
عيونه مكحلة وياقوت شفته
سألت العگل عنه شگال.. شفته
حچيه من شكر.. فعله سمسمية
139
الفرح ياصاح دنيانا عماها
وغدى عام الفرح كله عمرها
ايكحلها اجه لكن عماها
غشيم صويحبي ونفسه دنيه
140
ترف خدك قبيل الجان بالجان
ومن وجدك دليلي الجان بالجان
يهل تسال عليه الجان بالجان
لو الجان صار الجان بيه
141


تلفت والله شبابي بسوالف

وكظيت سنين هايم بس اوالف
يدولابي دخيلك بس والف
تلف مكلوب وين تريد بيه
142
كل مصباح ناكص يازمنه
اوصديج الي نوده يازمنه
كوم عنهم تنحه يازمنه
اهل هالوكت شوفتهم رديه
143
يهل رايح لخونه وصي اخونه
تره الوصخين كثرو وصخونه
بين الموت عشنه والصخونه
يهدنه الموت تتلكانه هيه
145
العمر خلص يصاحب شرد منه
ونه الكضيت عمري شرده منه
درت ضهري ولن دليلي شرد منه
اركض والعيايه اتهب عليه
146
عطر منك يمرنه بسد وردنه
زرعنه الخير بينه وما وردنه
خبر مكتوب منك لو وردنه
اجيك ازحوف وحجيلك عليه
147
تحيه الى لينا الجبوري
ما هواني
ولا واحد نضرته وماهواني
عليش بتعد ضنك ماهو اني
احس اني من اشوفك ماهو اني
احس روحين ونكسمن سويه
148
جدمي ما يطب بيوم كصرة
واذا طب الجدم بالطبر كصرة
لسانك طول يبن الناس كصرة
وبطل بعد لا تحجي علية
149
وحشني
ليلج من حضن دافي وحشني
الن منجل كطع بيه وحشني
باب الدار مالتكم وحشني
سنه على الباب ما تفتح ليه
150
سنيني من بعد فراكي وحشكم
لان منجل كطع بيكم وحشكم
بابي شجابكم يمه وحشكم
وما اطخ راسي واني ابن العراقيه
151
يشوكك شي يطشنه شي لمانه
وهاك الكلب عندك شيله مانه
لون كشكك عشكته شيل مانه
حنت ونحنت بشوك اليه
معنى الجناس
الضم والجمع
اخذه امانه
شيلمانه
152
عليمن ياجدم سيرت وخطيت
وكثيرة ذنوب منك شلت وخطيت
عمت عيني رميت الحلو وخطيت
على بخت الذخيرة الخان بية
153
الحزن بأزل حياتي لازماني
ولاشخص الرحمنـــي لازماني
اذن بهيچ حالـــة لازماني
اموت واخلص اعبادة المنية
154
احب كلمن حچة بحچ ية عدالة
مقدم ركن من تمشــي عدالـة
خذت قلبي يهل الوادم عدالة
اشمه وكل الم ميصير بية
155
اقدم روحي باقه ورد لك
وكولن بعد مارد وردلك
جم مرسال من عندي وردلك
ولا منك جواب يرد عليه
156
نذرنهْ إلعشكْ دجلتنهْ شعرنهْ
وتعطّرْ من عطر دجلةْ شعرنه
يدجلهْ إبفركتج إحنهْ شعرنه
بحزنْ وهْمومْ وأشواقْ وأذيّهْ
157
ترف يا من ضعنكم مر علينه
هجرتونه وحبنه الكم مر علينه
احلف مهما الزمان مر علينه
منسه ايام عشناها سويه
158
عله روحي الهظم والهم تراكـم
وما ادري شوكت عيني تراكـم
مساكنكم وسط كلبي تراكـم
بهيده وياي هم اني خطية
159
ادزلك روح تعبانه شلي .......بيه
وهاي جروح كلبي شلي.......بيه
وحياتي من بعد عينك شلي ....بيه
اريد تعود يا غالي اليه
160
ما راد الكلب غيرك ولك راد
نهيته من العشك كلبي ولك راد
عربنه ما حوت حسنك ولك راد
دخيلك لا تشح وصلك علية
161


وفنك ...

صرت لوحه ابرسم ايدك وفنك
او هذني اسنين عشرتنه وفنك
فنك توصل الحدي وفنك
اصير اني الاسد وانته الضحيه
162
هذا الشعرلابي الفضل العباس عليه السلام
ولاهاب
يكر يطبر يطر يشطر ولاهاب
ومن سيفه جمر يصعد ولاهاب
اله خطفة برق لو مر ولاهاب
واله شمرة علي حامي الحميه
163
حبك من شفــــاف القلب عتباي
ولانوبه إذكرتناو إوصلت عتباي
أعتب مانفـــع وياك عـــتباي
على ياهي أزعـلت واقطعت بـيه
164
شهر سيف الهجر ضدي وسله
نساني اوراح وي غيري وسله
عنب ماحصلت مـــــــنه وسله
طلع ذيب و كتلني إربـات إديه
165
لويت الدهر مافد يـــوم حنيت
و إدية من دموع العــــين حنيت
ييمه اوداعتچ هالـــــيوم حنيت
و شلت نار الدمع بچفوف إديه
167
لصديق اللي نشوفه نقي ونظيف
نود كل يوم نبدي اعليه ونضيف
على طيبه نجمل طيب ونضيف
بكثر معنى الحـروف الابجديه
168
همي من كـــثر يذبل وراها
ونار الكلب مــا يخمد وراها
كل شده يـــهل وادم وراها
فرج ، والفرج من رب البريه
169
بيك
ويجرحي لشوكت تنزف وشل بيك
تكلي ليش متمرمـــر وشل بيك
تهت منهو اليـــــدليني عليه
170
غرامك بالگلب حافر وناقش
سرت نيران تحرگني وناقش
أريد أگعد معك أحچي وناقش
وگلك لشوكت تقسي عليه
171
وعابيك
رضيت بزينك وبشينك وعابيك
وگلبي ماوعدغيرك وعابيك
تراني أشور بيك وعابيك
على لسانك تريد تخون بيه.
172
يل واكف على التنور بي نار
شعره اصفر عبالي اشتعل بي نار
يبيت الي ما حوا الحلوت بي نار
واغمى بكُل صباح وكلــ مسيــه
173
عليش الوكت بويه مرمراني
وعل كل باب شامت مرمراني
جنت ما خاف وكتي ومرمراني
علج عطني وكام ايلوج بيـــه
174
شريف ومن خلق ابدا خيالك
وياهو من البشر داعب خيالك
خيال الناس اسود بس خيالك
يضوي بمشيتك على الوطيه
175


ابن ادم لاتحسدة بفرح وانعام

وبعمرة لو ضحك يومين وانعام
يقولة دكَني الوقت دكَـ الكحل وانعم
بعد ما فارقة يطرد علية
176
جمعت ايام عمري وانسى عدها
واقولن وين عزها وين سعدها
عجيبة الناس تضحك وينسى عدها
بطر لو من سفاهة اضحكت بية
177
يبرا
بهيدا من الجرح موحيل يبرا
سقيم ولاتظن بالشوق يبرا
الجتنلني بيا يشريعة تقول يبرا
جتلني وصار لة الحق مو الية
178
وسهلا عبرت اجبال لعيونك وسهلا
ومصاعب سجتك هانت وسهلا
اجيتك لاقلت اهلا وسهلا
توجيت على قلبي وخان بية
179
أزيدك بالجمع وتصير ناقص
جيفيض عليك نهري وأنت ناقص
مثلك بالبشر ماشفت ناقص
نذل بذات وطباعك برطدية
180
شلون تخون وأنت حلفت بايات
مزلاكة طلعت مو درج بايات
ت_ريد تروح مو بس باي بايات
واليرجع ألف نعلة على أبيه
181
تروح الروح بغيابك وأردهه
وكتاب جفاك يمدلل وردهه
روحي بغيابك ترة يذبل وردهه
ماي أنته وترد الروح بية
182
جرى دمعي على الوجنات ياحيف
وعلى الناس الماتقدر التعب ياحيف
أني الجنت أخوف خفت ياحيف
ولذت بالجانوا يلوذون بيه
183
شمالك ياضعن بهواي شتيت
أنا بناري وأهمن بيك شتيت
أذا أنت بقميص الصيف شتيت
أنا مصلخ شتاك المر علية
184
علي دوم الليالي تلف وتدور
ولأجلك رخصيت الذهب والدر
أحبك من زمان الدار والدور
شعجب لمن كبرنة تخون بية
185

عشكتك من صغر سنك ويهلك
اليحبك ليش يتعذب ويهلك
اغار عليك من تمشي ويهلك
لجن وية الغريب شلون بية
186
وحق عيسى أبن مريم وربي
أتعب بس لجل حبك وربي
صار سنين أداريلك وأربيك
صرت وردة ويشح عطرك عليه
187
يكولون الهوة للعشاك شل حال
وغرامك حيل بالدلال شل حال
يسألوني أنة الحبوب شل حال
أنه ميت بسبب فركاك أليه
188
ونيني لاسنة بطل ولاعام
وسجني خاص ألي وحدي ولاعام
أخبرك لاأخو ينفع ولا عم
ألي بس الله العزيز يحن عليه
189
هواكم أثر بعقلي ودارة
ومنو مثلي ألج وفة ودارة
سمعت بقيس عاف أهلة ودارة
وعليكم ماحمل مثلي أذية
190
علي دوم الليالي تلف وتدور
ولأجلك رخصيت الذهب والدر
أحبك من زمان الدار والدور
شعجب لمن كبرنة تخون بيه
191
والشام
وحق من سمى النجف وبغداد والشام
يلوك بوجهك نكراش واشام
العاشك ما يفيد البوس واشم
تفيد النومه ولكعد سويه
192
النسة ملهن عهد ثابت ولحية
جم شارب يزيننه ولحية
وجم حيد الوكع منهن لاحية
وجم شاب اليذبنة بهبية
193
حبيبي جروح الك بالروح حالن
وامس جنت احسن من اليوم حالن
اريدك تنتخيلي وتمر حالن
باجر وين ماتلحك علية
194
حميتك دافعت عنك ورحماك
الطعن اهون ولا لوذن ورحماك
كلت اوليك ماعوفك ورحمك
وليت وطيبتي عمت علية
195
يكلبي ما نفع تعبك ولارباك
وحصتك صارت بدوخة ولارباك
بطريقك بعد ماعاين ولربيك
من اطيعك هم ترد للحفر حية
196
عميت ولا نفع حدي وسلني
ولا واحد عرف حالي وسلني
سنون الناس عضتني وسني
ماعضني لجن يضحك علية
197
هلا ومية هلا ولفين مرة
وعليك ارياكنة ياترف مرة
شيضر لكربلة لوجيت مرة
وانة المأجوركم كليوم جية
198
اذوبن لو عيونك علي تنصاد
شما توصل لحينة صدود تنصاد
اذا انت التعرف الناس تنصاد
اذن اني الغريب شلون بية
199
يل بهمك ملابس لابستني
وثوب الحزن بيدك لبستني
رحت لا صالحتني لابستني
ولا كتلي جذب حقك علية
200
ارضعتني الدنية همنا من نهدها
طعت وطيحة طيحة من نهدها
واللة بكلبي حصرة من هدها
ابجي لمن صخر كلبة علية
201
العمر ماي وتبدة كلف لمة
وعلي نكبات هجرك صفت لمة
كتله شوكت تفرح كال لما
اشوف جنازتك تمرك علية
202
انا الما يوم خلا وياك خليت
شجاك وبضهر سجين خليت
شعدي وشبعب ياترف خليت
صفة حتا البدي هم موشلية
203
دكافي من البعد ياترف بس بس
ومنو لبذنك على الهجران بس بس
كبل تركض تجي لو صحت بس بس
شجاك شغيرك هسة علية
204
ساعة الوكت مشراكة سعافي
وعلي بجفاك ما تلحك سعافاي
جنت نخلية ويفي الهم سعافي
وعلى كرصت خبز جيمو بية
205
دجاجة انتي يحبيبة ونا ديج
بذاك الصوب اعوعيلج وناديج
هلج يردون ابيضلهم وناديج
صحت قيق وبضت غصبن علية
206
شبده مني وشخصك علي ماطال-
وحبل وصلك شعجب وياي ماطال-
دليلي وي ألصبر بجفاك ماطال-
مثل روح ألتماطل بالمنيه
207
كلب صافي لون يهوى كلبنة
وعلى الحبيب ابد مايوم كلبنة
احنة ضلوع الك وانت كلبنة
نحافض على الكلب من كل اذية
208
مريض انة تعال اسأل علي
وشوف شلون حالي من تسلني
ولاكن سيف صدك من تسلني
الدمع يغلي وجوابي من تسلن
اضحل بالجذب غصبن علية
209
شبده مني وشخصك علي ماطال-
وحبل وصلك شعجب وياي ماطال-
دليلي وي ألصبر بجفاك ماطال-
مثل روح ألتماطل بالمنيه/
210
ذبل عودالوردلجلك وخاوي@
بعدماأحط اخوغيرك وخاوي@
الفخرموللذي يعاشرويخاوي@
الفخرللخواليذكرخوية
211
شجاه الروح عافت من وصلهه
آظل آرسل وخابر من وصلهه
تضل آلنفس طيبه منصلهه
آنه ممنون من ترسل آليه
212
صديقك لوعوج وياك عدله
وسلوبك يفالح اوياي عدله
يسويه النصيب اوتجي عدله
وشك حلكك تره بثنين اديه
213
طريق الشوك لاتكطع وصاله@٠
والك بالكلب كم غرفه وصاله @٠
نجوي تروحلك فدو ه واصاله @
واليسا تغني لا تبعد عليه @
214
لجل عينك لشد رتبة ملازم
وبحبك اظل اطبع ملازم
اذا ما رايدني . . ملازم
الف واحد يذب روحة علية
215
حبيبي عليك دمع ألعين هم مال_
غبت عني وزماني وياي هم مال_
فديتك هم جسم هم روح هم مال_
وأنته بشوفتك تبخل عليه
216
بعد مدري لنزل ياهو من الشال
بسب هدمي نمزك ونشك منشل
جديد الخام جنت البس من الشال
عكس دهري وسمل ما صح بدية
217
تتوب شكثر رادو ماتبوها
تبيكم عجب ونتم ماتبوها
بعدكم روحي طفلة ومات ابوها
وعليكم حزن حزنت ماكو اخية
218
عندي اسرار اطشها ومنها اضمها
منمها الروح سلت منهضمها
طحت ونهض وطيح ومنها اضمها
بجت من دم نواضرها علية
219
وكت ذيب وشحت روحي وحدها
وبرد بضلوعها نيابة وحدها
ضلت عقب عيناكم وحدها
دلحكوها دنت منها المنية


221

يدنية حل علية شر...دحلي
مر ريجي بعذابج شردحلي
ردحلي اليالي شردحلي
مثل جوبي بقت تفتر علية
222
مع الطيبين اعدنك ولكرام@
ولارام الگلب غيرك ولك رام@
الك جم ذاكره بكلبي ولك رام@
يظل مملي بودادك للمنيه.
223
الورانة يضل ورانة ما يعدنة
وخسر كلمن بصحبة ما يعدنة
انجان الخبز عندة ماي عدنة
باجر يغض من ينطي مية
224
خزن جرح دلالي تونلم
على الما صحلي وياهم توالم
انجان تريد ويانة تولم
خاف تكول مامروش بية
225
دانك حبنة سيس من سفانة
وتيهنة سفنهم من سفانة
جنت ماتسد عينك منسفانة
صرنالك ورد وتكول اذية
226
صفه ملكي وحلالي وارضي
عدكم أزعل ألدنيه كلهه وارضي
عدكم حبيبي ألرقم عندك وارضي
عدكم عليك ألله يغالي دك عليه
227
ليال السود حتى أسمي محنة
بسب دهري علي يردف محنة
حبيبي شبيك ما عندك محنة
ولك بس بالنفاهة تصير الية
228
نحلت روحي ذبل كلش شجرها
تنور الوكت يلهب شجرها
اذا علتي بثكل يذبل شجرها
جبل علتي تجرة شلون ادية
229
هواك هموم بكليبي عبالي
نسيت وبعدك لهسة عبالي
تحبني ومثل ماحبك عباليا
اثاري العيب ماصفيت نية
230
يهل رايح لهلنة سلمنة
اليالي بئيد غربة سلمنة
عنبنة ولا حوينة سلة منة
وخسرنة العنب وسلة سوية
231
روحي مشت وياهم وهامت
على الما بينت منهم وهامت
جفوف عليك اطييرها وهامت
وخلي دموم تجري على الوطية
232
نصحتة ولا نفع وياة نصحاي
سكارة احنة بهواة مابعب نصحاي
جفاني وصرت نص ميت ونص حي
نحيل ولا اثر نكاد بية
234
جفوف الحزن روحي سالمنها
ومصيبة بصف مصيبة سالمنها
سبب ضيمي وعذابي وسلي منها
وسبب كل الجرالي وصار بية
235
معاد الناس كلها وانت اصلي
مثل غصن بفروعك وانت اصلي
راح اوكف بابك وانت اصلي
وكل جيلة التجيني ضماد الية
236
بعد مدري لنزل ياهو من الشال
بسب هدمي نمزك ونشك منشل
جديد الخام جنت البس من الشال
عكس دهري وسمل ما صح بدية
237
انا بكاروك حبك ونت هزني
وصرت فرصة بحياتك ونتهزني
ونة شجرة بحياتك وانت هزني
وخلي الورد يتناثر علينا
238

أريد أنشد على شاري وسعراي-
وتشب نارك بدلالي وسعراي-
رخصت لجلك ثمني وسعراي
جيه لنك أخوي أو غالي عليه
240
أشرفنك على ألعالم وفضلك-
ودمعي ماجره لغيرك وفضلك-
أنه منذكر بعض طيبك وفضلك-
أشكرك كل صباح وكل مسيه
241
تغيب ألروح بغيابك وردهه_
وكتاب ألشوك يمدلل وردهه_
روحي بفرگتك يذبل وردهه_
ماي أنته وترد ألروح اليه
242
حبيبي عليك دمع ألعين هم مال_
غبت عني وزماني وياي هم مال_
فديتك هم جسم هم روح هم مال_
وأنته بشوفتك تبخل عليه
243
سهول لناس عندي وأنت راسي(جبل)
سفن غركت بحري وأنت راسي.
.اخوي أنت وصديقي وتاج راسي.
وأعز منك ترى ماكو اليه
244
شبده مني وشخصك علي ماطال-
وحبل وصلك شعجب وياي ماطال-
دليلي وي ألصبر بجفاك ماطال-
مثل روح ألتماطل بالمنيه
245
عليك انشد الوادم من شافة
مريض واني علمة من شافة
اريد ابحلكي اكمشة من شافة
ايبسة اتبرطم بس علية
246
غريب ألوطن جنة (مالة وادم )
دمنة نقي وطاهر (مال أوادم )
أنعلسنة شلون علسة (مال أوادم )
ولافكت حلكهة ألمرجعية :
247
مع الطيبين اعدنك ولكرام@
ولارام الگلب غيرك ولك رام@
الك جم ذاكره بكلبي ولك رام@
يظل مملي بودادك للمنيه.
248
نبيع ألنفس للينشد علينا-
وصبح ثوب ألحزن لايك علينا-
وحك عباس وألحمزه وعلينا-
نحب ونريد أبو ألنفس ألوفيه
249
وحك سورة بره وياسين ونسه_
وعكبك مابقالي بعد ونسه_
عمت عيني من أبطل بجاي ونسه_
لما ألابيض يكدرونه عليه