سولف كول ... الك واهس تظل وياي ..؟

سولف، كول ،إلك واهس تظل وياي؟؟
وإذا ما إلك واهس كول..لا تخجل...
ما اقبل احبك وانت ما مرتاح
وما ارتاح احبك وانت ما تقبل....
اذا متشدني بيك وبيه اشدك حيل
انحل بالسهل من عندك وتنحل....
بكيفك من اجيت...وماجبرتك يوم
وما اجبرك،بكيفك لو ردت ترحل....
فكر باليهمك ،والمهم شتريد
آنه كل اليهمني المهم..لا تزعل...
ما مليت منك،اكدر ابقى وياك
بس المشكلة خاف انه راح انمل...
ميهمني الدرب صار امشي بيه سنين
ما اندل جنت،بس هسة كمت اندل..
وماكولن خسارة الراح مني وياك
وي كلمن تحبه الروح ماتبخل...
روحي الحبتك تتحمل بلياك،وما ينقص صبرهة بغييبتك يكمل...
مجنونك؟نعم،بس تدري روحي شلون؟؟
تنجن بالعشك وبلا عشك تعقل...
حبيتك صدك والوكت جذبه هواي
وبمعركتة الدغش انه نزلت اعزل...