أبوذيــــات للشــــاعر أثيــــر التميمــي

شفت اسهام من عندك وصد يت
وابد مايوم زاعلتك وصد يت
ذهب وشغير اطباعك وصد يت
وفقط زنجار غيضك هل عليه
~
حسافه ايامنه افترن ودارن
ونسيت اجفوفنه التعبن ودارن
جان الكلب مسكن ودارن
بعته شلون وانت اتعيش بيه
~
ندهني الشوك الك يسمر وشبيت
وطفيت بلهفه اشواكي وشبيت
شمسرع كبرك وكتي وشبيت
وصرت تخجل تجي ونلعب سويه
~
انه الي روحه لعيونك وهبهه
وصان العشره بمحبتك وهبهه
عجب شخصك شعل ناره وهبهه
عليه ورد علي طفاني بيه
~
عبر مو هذا وكتي وكتي لافات
تلفني الظيم والهم وكتيلافات
الوكت تدريه المن وكتليلافات
ابلعني ولابعد تنشد عليه
~
ترف يروح حبك ماسليته
ودمعي لغير شخصك مسليته
علي كلش ضميرك ماسليته
ويكلك بالبجي سويت بيه
~
سيف جفاك يذبح ليه سليته
وعليك الدوم ينشد ليه سليته
الجسد عافيته عندك ليه سليته
وصفت حتى الفراشه تشيل بيه
~
اليالي خلاف عينك مره هنه
ولااذكر لشخصك مره هنه
راهنه شكسبنه من رهنه
لاانته الي ولا انا ليه
~

الشاعر
أثير التميمي