دارمـ ـيــــــــــــــات مـ ـنــ ـوعـ‘‘ـــــــــه ..

بالهم اگضي الليل والحسره والاه
مـا راحة شفنه بيوم واليشهد الله

راح التوده الروح راح ونسانه
وبالكلب ظل اليوم خالي مكانه

طلقات اسوي الروح ولفراكك احزن
كلما يمر طاريك ارميلي مخزن

ماضل غقل بالراس بس انته عقلي
تراني اموت اعليك هم انته مثلي

افطر وافكر بيك واتسحر وياك
شوفتك شربه ماي وفراكك امساك

وي الهوى وديت بوسات الفراق
بخدك تحط وتصيح صدكني مشتاق

موبوسه انه انطيك اخذالعمر هاك
الدنيا حلوة وياك مااكر انساك

يمنه وصرت وياك صير انته يسراي
خليني انه اوياك نبقى بفرد راي

اصفن وصفن الناس والماصفن داخ
واصرخ بعالي الصوت من فركتك اخ

مخبل تريد انساك ولغيرك اشتاك
موانته وسط الروح صايرلي معلاك