ابوذيات حصريه

شلونكمــ .. وشخبـاركمـ ؟؟
عسـاكم بخيــرر ..
اليوم عندي ابوذيات اتمنى تنال اعجابكمـ ..

واني الحب صرت اني دوالي
الي ولتصير بكليبي دوالي
دكتوري وصف وصلك دوالي
لان هجرك مرض مزمن اليه

أأمرني والبيلك عسل بيك
وعساهن بيه يفترن عسى البيك
حنظل لو ضكت خدي وعسل بيك
وشفتك للنحل وجبه شهيه

بعدك كمت اسوي النوح ويبات
ولا اخلي دليلي يهيم ويبات
الحزن طول الليل وياي ويبات
بفراشي ويسولفلي عليه

اريد امشي نهار الصيف وسعه
على ام الشعر الطويل وعين وسعه
يحفار الكبر بالله اعليك وسعه
بلكي تصير موتتنه سويه

يكلبي الي تحبهه رابط الهه
وحرز بالروح صدك رابط الهه
انا الشاعر واسوي رابطه الهه
واخلي اهل الشعر تحتار بيه

الدنيا الف صوره لاقط الهه
وابد ماصرت ثعلب لاقط الهه
انا اقلامي تركتهه لاقط الهه
شكتب بعد مايقرون اليـه ..

تـ ح ـياتي ..