الرئيسية
حبيبي من تمر يتصدع الكون
والشارع يتيه بطوله وبعرضه
اذا ومضه شعر ما وضفتهه اشلون
صدكني من ابوسك تعتبر ومضه
مرهون لجمالك بس كسير جناح
شفتك مره وحده وبعد ماعفتك
عينك ليله ظلمه ووجنتك تفاح
وشفتك ياغزال مطعّمه بشفتك
من يوم الكيتك عقلي ضل وياك
وصفن وجهي بجمالك واختلف لونه
من تخطف علي ترجف جميع عضاي
واحس الناس كلهه تصير مجنونه
لا تروح لاي عرس خايف عليك
ودير بالك لمن يعزمونك
الناس عطشانة شهر شربت بديك
خاف شربت ماكو ويشربونك
لاتضن انساك يالرايد تغيب
ولاتضن تطيب كلبي جروحة
انت روحي تريد اكرهك مستحيل
هم شفتلك بشر يكره روحة
جمالك معجزه وخدين مو خدين
كلش ضاويات ونورهن يسطع
وهي المعجزه بخدودك الحلوات
لان اول كَمر ويه الشمس يطلع