الرئيسية
السلاام عليكم ويسعد صباحكم مع مساكم بكل خير ..
الجديد كالعاده واتمنى يرتقي لذائقتكم ..
قالو علامك تســـجّ وتقـــعد تغنــي
وش فيك كل الحزن في قلبك تشيله
قلت المصيبه بـدنيا خيــبـت ظنـــــي
اضحك لها وهي ترد الضحك ترزيـلــه
حاولت اعـــاند زمــاني جــم لاكنّـــي
ايقنت انّــي غــريق ومابيــدي حيـلـه
حاولـت انـسـى واعيــش الوقت متهنّي
نويــت اشكّــــل لها واعطتني تشكـيــله
ياهـــي رزالــــــه دروب الحـــــب ورنّــــي
كل مايســمى عــذاب(ن) ذقـت انا ويـــله
من كثــر ما ابكي دمــوع الحـزن اعمنّـي
ومن كثر ماسهــر كرهــت النـوم والقيــله
بالوصـل ملعــون حظــي دوم يـغــبـنّــــي
مــلعـوون لابــوهـ مدري ويش مسويــله
مجروح قلبي مصيبه من صغــر سنّـــي
عـــزي لحالي وقلبــي حيــــل عزّيـــــله
خلـــوني تكفــون ابـغـــنّــي وابـــغــنّــي
القلــب محــتــــاج اغــنّّــيــله واغنّــــيـله
خلـونـي انســـى حيــاة عشــتها كـــنّـــي
مسجون مظـــلوم مــافي منـهـو اشكــيـله
خلوني ابــكي اجـــر الصوت و اونّــــــي
مشتــــاق لحـن الحــزن اطــرق مواويله
بقــول قــولـ(ن) لكم واردهـــــا عـــنّـــي
راعـي الكــذب والنــفـاق الدنيا تصـفـيـلـه
وسلامتكم