أبوذيــات للشاعر حمزة حسين مطر

سكر كاس الخمر من ضاگ نفسك
اكو غيرك حلو بس ماكو نفسك
اريدك يا حبيبي تبوس نفسك
بس بداخلك تنويها الية
.
.
..
.
.
بقيت المع وابد مايوم صديت
لان طعنات بالطعنات صديت
شفتني ودرت وجهك هيج صديت
لكن كلبك يباوع عليه
..
أغره ما يجي للدرب بالغار
وجماله مو هجم ع الروح بل غار
اجيت امشي ويه غيره ضاج بل غار
اجيته بوحدي بدل عليه
..
حبك من تكاسر حيل خفيت
ومشاعر حب عليه هواي خفيت
جنت بايع ثكل شبسرعه خفيت
بدلته وبعت خفه عليه
..
اردلك من اكولن بعد ماريد
ومعاك اكعد يمل الروح ماريد
اذا اطلع جكاره نار ماريد
عينك تجدح وتشعلها اليه
..
خنتوني لجن خذتو جزاكم
الوكت اجزاء من بعدي جزاكم
وعثرتو ابختي واليزحف جزاكم
وانتظرو بعد حوبات بيه
..
حبيبي اللبس هالايام ضايج
ومثل شفتك طعم لا تظن ضايج
بستك لان شفتك حيل ضايج
اريدن ضوجتك تنتقل بيه