أبو ذيــــات للشاعر حمزة الحلفي ..]

تشل العگل وجناتك والگلوب
وعليك الكلب يمعود ولك لاب
تغار الشمعه من عندك ولگلوب
ويطبهم طوب انت اشتعل بية
..
المعين الله على حسنك ولك عان
وكتلني الشوك لبروحي ولك عن
الك حاجب والك شفه والك عين
والك صفنة غزل شمسوية بية
..
بدالك ماشفت واحد بدالك
اشفت زعلان من عندي بدالك
وحقك لو اموت الله بدالاك
ترد الروح بس تلزم ايدية
..
يابو شامه على كيفك هالله بينه
هلالك فاض نوره هله بينه
اخسر من نسلم هلا بينه
شيضرك من ترد انت التحية
..
على جيدك ينام الطيب والماس
ومشية ريم الك عن قصد والماس
اشمك كون من الشعر والماس
من اجيسك خاف تتبدة عليه
..
وحق عينك وحق جفنك ورمشاك
اظل طول العمر امشي وره مشاك
عندي بالكلب منك ورم شاك
يهيد الورم لو مريت بية