اجمل الابو ذيات

صفنا وما وصل حسنك وصفنه@
لأن ينراد الحسنك كعده وصفنه@
لــــــو انت بمدرستنه وصفنــــــه@
لو تاغذ صفر انطيك ميــــــــــــه
**************
وحق إلي تعبده الناس منشاف@
الدمع من يومكم لليوم منشاف@
ألف ياحيف شفي إنكطع منشاف@
بجت اعيون من فركاك اليه
**************
ترف كلي بهجرك علي من شار@
سحابه وبس علي إمطرت مَشار@
إخذ ونطي وصير وياي مِنشار@
ومثل منشد عليك انشد عليه
*************
اني واحد والي عدوان تسعة@
وعــلى موتـــي الناستسعة@
خلص عمري وبقت ايام تسعة@
خلصأسبوع ظل يومين إلية
*************
كظيت الدهر ما فد يوم حنيت@
وايدي من ادموع العين حنيت@
ياغالي وعلي هليوم حنيت@
وشلت نار الدمع بثنين اديه
*************
مفارك الليالي سنين مرن@
وعلي صاير لذيذ الزاد مرن@
طفر كلبي على النقال من رن@
لأن حسيت الغلي دك عليه
*************
أأمم بيها والجامع ورايه@
وصرت امشي وره الجانوا ورايه@
نويت اهجم وشلت سيفي ورايه@
رماني بسهم عينه وطاح بيــــــــــه
***************
اون ولا نمت بالليل ساعه@
بسبب همهمي ما أرتاح ساعه@
وحدي ولا اخو وياي ساعه@
حتى الغالي نساني وشح عليه
***************
خاطلع من جفن عينك ورد بيك@
واشتم العطر منك ورد بيــــــك@
صرت مثل القصيده انت ورد بيك@
وصرت انت النبض والروح بيه
***************
أشد حبل الوصل والكاه محتل@
هــــــــو الروحي يريد المحتل@
سكن كلبي ورضيته يكون محتل@
وجبتله الكورسي رأسته عليــــــه
**************
اريد الطم واسوي اللطم بلوان@
علية ويصب دمع العين بلوان@
انة اللي طبكن علية بلوان@
شيبي والهوى محرب عليــــــــة
**************
أبد ماشفت بخلاقك و عدللك@
اريد اكتب اعله روحي و عدلك@
وسكنت كلبي ورضيت انه و عدلك@
وجبت كورسي رأستك عليــــــــة
****************
ابتلت روحي ولا يخلص بلاها@
و بمحــــبتك ينتهي قلبي بلاها@
بعذابك ياغالي ربــــــي بلاها@
وتضل اتنوح كل صبح ومسيه
***************
اني الجنت مثل ميل الساعة وميلان@
وظربني خـــط عدل مابيها ميلان@
واني اللي لعبـــت للانتر وميلان@
هسه هوار المـــــلا يتفيك علية
**************
تحياااااااااااااااااااااااااااااااااااااااااتي لكم

شكرا على الابوذيات الروعه

ادللو عيناي مشكور عالمرور يا وردة